សម្រាប់អាជីវកម្មថ្មី ម្ចាស់អាជីវកម្មគួរតែយកចិត្តទុកដាក់អំពីការស្នើអាជ្ញាប័ណ្ណចាំបាច់នានាពីក្រសួងពាក់ព័ន្ធ។ មានអាជ្ញាប័ណ្ណជាច្រើន សម្រាប់សកម្មភាពអាជីវកម្មគ្រប់ប្រភេទ រាប់តាំងពីភោជនីយដ្ឋាន រហូតដល់សកម្មភាពនៃការគ្រប់គ្រងសំណល់រឹងជាដើម។ វាជាទំនួលខុសត្រូវរបស់ម្ចាស់អាជីវកម្មក្នុងការស្នើអាជ្ញាប័ណ្ណឱ្យបានត្រឹមត្រូវមុនប្រកបអាជីវកម្ម។ ការខកខានណាមួយ វាអាចបណ្តាលឱ្យមានការពិន័យ ឬជាងនេះទៅទៀតនោះនឹងត្រូវបិទអាជីវកម្មទាំងស្រុងក៏មាន។ ឧទាហរណ៍៖ ប្រសិនបើអ្នកចង់បើភោជនីយដ្ឋាន ដំបូងអ្នកត្រូវចុះបញ្ជីអាជីវកម្មជាមុនសិន បន្ទាប់មក ត្រូវដាក់ពាក្យសុំអាជ្ញាប័ណ្ណទេសចរណ៍ លិខិតអនុញ្ញាតពីក្រសួងសុខាភិបា  ល លិខិតអនុញ្ញាតិពីនាយកដ្ឋានពន្លត់អគ្គីភ័យ និងអាជ្ញាប័ណ្ណផ្សេងទៀតដែលពាក់ព័ន្ធនឹងអាជីវកម្មរបស់អ្នក។