ច្បាប់អនុញ្ញាតឱ្យមានការកែតម្រូវលិខិតប្រកាសពន្ធឡើងវិញក្នុងរយៈពេលបីឆ្នាំថយក្រោយតែប៉ុណ្ណោះ។ ឧទាហរណ៍៖ បច្ចុប្បន្នគឺខែមេសា ឆ្នាំ២០២២ ដូច្នេះលិខិតប្រកាសពន្ធដែលអ្នកអាចកែតម្រូវបានគឺ លិខិតប្រកាសពន្ធគ្រប់ប្រភេទក្នុងឆ្នាំ២០២១ លិខិតប្រកាសពន្ធគ្រប់ប្រភេទក្នុងឆ្នាំ២០២០ និងលិខិតប្រកាសពន្ធគ្រប់ប្រភេទក្នុងខែមេសា ឆ្នាំ២០១៩។ ការកែតម្រូវនេះ លោកអ្នកគ្រាន់តែត្រូវបង់នូវប្រាក់ពន្ធដែលមិនទាន់បានបង់ជាមួយនឹងពិន័យ និងការប្រាក់ដែលមិនទាន់បានបង់សម្រាប់រយៈពេលដែលបានកន្លងហួសតែប៉ុណ្ណោះ។ ប៉ុន្តែប្រសិនបើ លោកអ្នកព្រងើយកន្តើយនឹងកំហុសឆ្គងដែលបានកើតមានឡើង បញ្ហាអាចមានភាពកាន់តែស្មុគស្មាញ ឬអាចឈានដល់បិទទ្វារអាជីវកម្មទាំងមូលក៏មាន។